माहे फेब्रुवारी २००९ ते मे २००९ सत्यसेवा ग्रामविकास प्रतिष्ठाणच्या अथक प्रयत्नाने एकात्मिक आदिवासी विकास प्रकल्प यांच्याकडील दुधाळ योजने अंतर्गत कुंदेवाडी येथील आदिवासी बांधवांना दुग्ध व्यवसायासाठी मोफत दुग्ध गायींचे वाटप केले आहे या योजनेत एकुण १०४ लाभार्थींना एकुण १२३ गायींचे वाटप करण्यात आले.

याप्रसंगी सोबतच्या छाया चित्रामध्ये प्रतिष्ठाणचे अध्यक्ष श्री. नामकर्ण आवारे साहेब व सहकारी पशुवैद्यकीय अधिकारी डॉ. सोनवणे लाभार्थी श्री. दशरथ जाधव, श्रीराम साळुंके, शरद माळी, ज्ञानेश्वर जाधव, रामनाथ पवार त्याच बरोबर प्रतिष्ठाणचे पदाधिकारी श्री. शिवराम माळी, अंजली वैष्णव, विक्रम पोटे, किरण नाठे, संदिप नाठे, शरद पोटे, मंगेश नाठे आदी.

आदिवासी कुटुंबास उत्पन्न दाखला मिळवुन देणे -

तसेच महाराष्ट्र शासनाच्या आदिवासी विभागाकडील सर्व योजनांचा फ़ायदा प्रत्येक आदिवासी कुटुंबाना मिळवुन द्यावयाचा असेल तर प्रत्येक कुटुंबाकडे उत्पन्नाचा दाखला देखील आवश्यक आहे . त्याप्रमाणे कुंदेवाडी गावामधील सर्व १३१ आदिवासी कुटुंबाकडे उत्पन्न दाखला नसल्याने वरील सर्व कुटुंब व कुटुंबातील सद्स्यांना उत्पन्नाचा दाखला मिळवुन देण्याचे काम ह्या संस्थेने हाती घेतले. व संस्थेने स्वत कागदपत्रांची पुर्तता करुन खालील प्रमाणे उत्पन्नाचे दाखले संस्थेच्या प्रयत्नाने मिळवुन दिले.

या कामी देखील शासकीय नियमातील कागदपत्राची सर्व पुर्तता संस्थेने स्वत:करुन कोणाही आदिवासीस तहसिलदार कचेरीत न पाठवता मिळालेले उत्पन्नाचे दाखले कुंदेवाडी येथे संस्था आज समारंभ पुर्वक वाटप करत आहे. ह्याकामी लाभार्थीनां स्वत:स कोठेही जावे लागले नाही अथवा ह्याकामी एक रुपया देखील खर्च करावा लागला नाही. ही गोष्ट संस्था ह्याठिकाणी अभिमान पुर्वक नमुद करत आहोत.

सर्वसाधारणपणे तालुक्यातील कुठ्ल्याही व्यक्त्तीस उत्पन्नाचा दाखला घेण्यासाठी,त्याची कागदपत्रांची पुर्तता करण्यासाठी तसेच ते मिळविण्यासाठी शासकीय कार्यालयात चकरा मारने इत्यादी सर्व कामासाठी साधारणपणे चारशे ते पाचशे रुपये इतका खर्च येतो शिवाय किती तरी दिवसाचा
दैनंदिन रोजगार बुडला जातो ती वेगळीच बाब ह्या सर्व बाबीचा विचार करता ह्या सर्व आदिवासी बांधवांना वरिल सर्व कोणताही प्रकार न करता हे जातीचे प्रमानपत्र घर पोहोच मिळालेले असुन ह्याकामी मा.श्री.खेडकर साहेब उपविभागीय अधिकारी निफ़ाड, श्रीमती किसवे मॅडम,उपविभागीय अधिकारी सिन्नर, डॉक्टर मगरुळे साहेब तहसिलदार सिन्नर, श्री म्हस्के साहेब, नायब तहसिलदार सिन्नर, सेतु कार्यालय प्रमुख व कर्मचारी सिन्नर ह्या सर्वांचे मिळालेले बहुमोल सहर्काय अतिशय मोलाचे असे आहे. ह्या सर्व अधिका-र्यांची संस्था कृतज्ञता व्यक्त करत आहे. तसेच ह्या निम्मित्ताने उपरोक्त सर्व अधिक-र्यांना अशी विनंती करण्यात येते की, अद्याप बरीच उत्पन्नाचे दाखले घेणे बाकी आहे उत्पन्न दाखले घेण्यासाठी देखील भविष्यात अशाच सहकार्याची आम्ही कृतज्ञता पुर्वक अपेक्षा करतो.

	उत्पन्न दाखला वितरण तपशिल     तपशिल आकडेवारी     कुंदेवाडी गावातील एकुण आदिवासी कुटुंबाची संख्या १३१ प्रत्यक्षात मिळालेले उत्पन्नाचे दाखले (२००७ते २००८) २९ चालु आथि‘क वर्षाचे उत्पन्न दाखले मिळणे बाकी कुटुंब (२००८ते२००९) १३१ अद्याप उत्पन्नाचादाखला घेणे बाकी असलेले कुटुंब १३१     ह्यसाठी बचत झालेला अपेक्षित एकुण खर्च -२९ X रु.४००/- = रु. ११,६००/-

दारीद्रय रेषेखालील आदिवासी कुटुंबाना मोफत घरगुती गॅस कनेक्शन मिळवुन देणे -

महाराष्ट्र शासनाच्या आदिवासी विकास विभागाकडील एकात्मिक आदिवासी विकास प्रकल्पा अंतर्गत राज्यातील सर्व आदिवासी कुटुंबाना मोफत स्वयंपाकाचा घरगुती गॅस देण्याची योजना आज कार्यरत आहे.
परंतु ही योजना राज्यातील बहुसंख्य आदिवासी बांधवापर्यत पोह्चत नाही परिणामी तिचा फायदा साधारण ९० टक्ये कुटुंबाना मिळत नाही. मात्र आमचा ह्या संस्थेने आदिवासी साठी असलेल्या सर्व योजनांचा अभ्यास करुन ही योजना कुंदेवाडी गावातील प्रत्येक आदिवासी कुटुंबापर्यत १०० टक्के परिणाम कारकरित्या पोहचविण्याचा चंग बांधुन ते काम हाती घेऊन पुर्णत्वाच्या दिशेने संस्थेची वाटचाल चालु आहे.

या योजनेचा फायदा प्रत्येक आदिवासी कुटुंबास मिळण्यासाठी करावयाची कागदपत्राची पुर्तता १) विहित नमुन्यात अर्ज २) रहिवाशी दाखला, ३) शाळा सोडल्याचा दाखला, ४) कुटुंबाचा दारिद्रय रेषेखालील नंबर, ५) उत्पन्न दाखला, ७) रेशन कार्डची झेरॉक्स प्रत इ. सर्व कागदपत्रांची देखील पुर्तता संस्थेने केली त्याकामी कोणत्याही व्यक्त्तीस कार्यालयात जावे लागले नाही. त्या मिळालेल्या फायद्याचा तपशिल खालील प्रमाणे-

	मोफत घरगुती गॅस कनेक्शन मिळालेल्या व मिळणा-या योजनचा तपशिल.     तपशिल आकडेवारी     कुंदेवाडी गावातील एकुण आदिवासी कुटुंबाची संख्या १३१ मंजुर झालेले गॅस युनिट ६२ अद्याप मंजुरीसाठी प्रलंबित अर्ज ११० अद्याप अर्ज करणे बाकी राहिलेले आदिवासी कुटुंब ४८     ह्या कामातुन झालेला आर्थिक फायदा - ६२ X रु. ५,०००/- = रु. ३,१०,०००/-

दारिद्र्य रेषेखालील महिलांचे बचतगट स्थापन करुन स्वावलंबी करणे -

प्रतिष्ठाणचे प्रयत्नाने कुंदेवाडी व मुसळगाव मधील दारिद्र्य रेषेखालील कार्ड धारक महिलांचे एकुण ७ महिलाबचत गट केलेले असुन हे सर्व ७ महिला बचत गट जिल्हा ग्रामिण विकास यंत्रणा, नाशिक यांच्या अंतर्गत स्थापन करण्यात आलेले आहे. या बचत गटात एकुण ८४ महिला ह्यामध्ये सहभागी झालेल्या आहेत. त्यांचेसाठी उरलब्ध असलेल्या विविध शास्कीय योजना उपलब्ध करुन देण्यासाठी संस्था प्रयत्नशील आहे.

सर्वसाधारण महिलांचे बचत गट स्थापन करणे -

प्रतिष्ठाणच्या प्रयत्नाने कुंदेवाडी व परिसरातील सर्वसाधारण महिलांचे एकुण ३२ महिलाबचत गट स्थापन केलेले आहे. या सर्व बचत गटात एकुण ४१६ महिला सहभागी झालेल्या आहेत. या सर्व महिलांनी स्वत:चे पायावर आपले व्यवसाय सुरु करावे असे संस्थेचे धोरण असुन त्या कामी लागणारे सर्व सहकार्य देण्यासाठी संस्था तयार आहे.

हवाई सुंदरी व हवाई सेवक १ वर्षाचे प्रशिक्षण -

आदिवासी तरुण तरुणींसाठी हवाई सुंदरी व हवाई सेवक या उच्च प्रशिक्षणासाठी ३ युवक व १ युवती यांची निवड संस्थेच्या माध्यामातुन झाली. या प्रशिक्षण कर्यकाळात त्यांना पुणे येथे रहावयाची, जेवणाची व प्रशिक्षणासाठी येणाया खर्च रुपये २,००,०००/- प्रत्येकी असा असुन एकुण ८,००,०००/- हा प्रशिक्षण कार्यक्रमाचा खर्च संस्थेच्या मध्यामातुन मोफत झाला.
सिन्नर तालुक्यातुन प्रथमत: हवाई प्रशिक्षणासाठी प्रतिष्ठाणच्यावतीने ४ युवक युवतींची निवड झाली.

विडी कामगारांना पिवळी शिधापत्रिका वाटप -

दि. ०९ सप्टेंबर २००८ च्या शासन निर्णयाप्रमाणे विडी कामगारांना तात्पुरती पिवळी शिधा पत्रिका सत्यसेवा ग्रामविकास प्रतिष्ठाणच्या माध्यामातुन कुंदेवाडी गावातील ७९ विडी कामगारांना मिळवुन देण्यात आले आहे. बाकी असलेल्यापैकी २० मंजुरीसाठी तहसिल कार्यालयात दाखल केलेले आहे.